စုဗူး
ကျွန်မ ငယ်ငယ်က မေ့မေ့ကိုစုဗူးဝယ်ပေးဖို့ ပူဆာခဲ့ဖူးသည်။ မေမေက “ ငါ့သမီးက ပိုက်ဆံစုမယ်ပေါ့ ။
တယ်လိမ်မာပါလား ” ဟုဆိုကာ စုဗူးလေးတစ်ခု ဝယ်ပေးခဲ့သည်။ “ သမီး ဒီစုဗူးလေးပြည့်သွားရင် ဘာလုပ်မလဲ ” ဟု မေမေ မေးလာသောအခါ ကလေးအတွေးဖြင့်ပင် “ မုန့်တွေဝယ်စားမှာပေါ့ မေမေရဲ့ ” ဟု ဖြေခဲ့ပါသည်။ ဒီလိုဖြင့်ပင် ငယ်စဉ်ကတည်းက ကျွန်မ၏မုန့်ဖိုးလေးများကို ဘာရယ်မဟုတ် စုထားသော အကျင့်လုပ်ခဲ့ပါသည်။ နည်းနည်းကြီးလာတော့ ပိုက်ဆံစုတယ်ဆိုတာ ရည်ရွယ်ချက်တစ်ခုထားပြီး စုဆောင်းရမှန်းသိတတ်လာသည်။ ၈တန်းနှစ်တုန်းက “ ကထိန်သင်္ကန်းကပ်ရန် ” ဆိုပြီး ကျွန်မ၏မုန့်ဖိုးအချို့ကို သပ်သပ်ဖယ်ထားပြီးစုခဲ့ဖူးပါသည်။ ရည်မှန်းထားသည့်အတိုင်းလဲ ကထိန်သင်္ကန်း ကပ်ဖြစ်ခဲ့သည်။ ထိုအချိန်မှစ၍ ကျွန်မ၏စုဗူးလေးများတွင် ရည်ရွယ်ထားသော ခေါင်းစဉ်လေးများရှိခဲ့သည်။ ယခုလက်ရှိတွင်လည်း ကျွန်မကိုယ်တိုင်ဝယ်ထားသော
စုဗူးလေးတစ်ခုရှိပါသည်။ ထိုစုဗူးလေး၏ ခေါင်းစဉ်မှာ “အ်ိမ်မက်တစ်ခုကို အကောင်အထည်ဖော်ရန်” ဖြစ်သည်။ =) ကျွန်မထိုစုဗူးလေးကို ဘယ်လိုအခြေအနေမျိုးတွင်မှ ဖွင့်ဖောက်မည်မဟုတ်ပါ။
ကျွန်မ၏ အိမ်မက်ကို အကောင်အထည်ဖော်ရန် အခွင့်အရေးရသောနေ့မှသာ ထိုစုဗူးလေးကိုဖောက်ပါမည်။ ကျွန်မထင်ပါသည်။ ထိုနေ့ထိုရက်တွင် စုဗူးလေးသည်အပြည့်ဖြစ်နေပြီး ကျွန်မ၏အိမ်မက်ကို
အကောင်အထည်ဖော်ရန် အဆင်သင့်ဖြစ်နေလိမ့်မည်ဟု……………
1 comment:
အိပ်မက် ကလေးကို သိချင်လိုက်တာ။ စုဘူးလေးပြည့် တဲ့နေ့မှာ အိပ်မက်ကလေးလည်း အကောင်အထည် ပေါ်နေပါစေ။
Post a Comment