I was completely stunned

အခုတလော Flickr ကို ကလိ ဖြစ်နေတယ် .. sign up လုပ်ထားတာ ကြာပြီ ဆိုပေမဲ့ ခုမှပဲ ပြန်မွှေဖြစ်တာ ..
Flickr ရဲ့  service ကိုတော့ အများသိမို့ သိပ် ညွှန်းဖို့ မလိုလောက်ပါဘူး .. ဒါပေမဲ့ edit photo မှာ picnik နဲ့ ဆက်ထားတာ ကိုက တမျိုး ထူးခြားနေတာ ... နောက်မှပဲ picknik အကြောင်းထပ်ပြောတော့မယ် ... အခုတော့ flickr ပေ့ါ...

Flickr ရဲ့  welcome message တခုကြောင့် အတော်ကို အံ့ သြသွားမိတယ် ... ဒီမှာကြည့် ...
...











အမြဲလို ဆို howdy တို့ 'allo တို့ နှုတ် ဆက်နေကျ .. ဒီနေ့မှ ဝင်ကြည့်တော့ ထူးထူးခြားခြား ဗျာ ...

Kudos to Flickr~

အပြည့်အစုံသို့...

အကျဉ်းချုံး...

The arrow and the song

Henry Wadsworth Longfellow

ကိုကြားဖူးကြလား .. ၁၀ တန်း ကဗျာ ဆရာလေ .. ဒီ ကဗျာပေါ့ .. အခုတလောမှ ကဗျာတွေ လိုက် ဖတ်ဖြစ်နေလို့ ..

I shot an arrow into the air, It fell to earth, I knew not where; For, so swiftly it flew, the sight Could not follow it in its flight. I breathed a song into the air, It fell to earth, I knew not where; For who has sight so keen and strong, That it can follow the flight of song? Long, long afterward, in an oak I found the arrow, still unbroke; And the song, from beginning to end, I found again in the heart of a friend. Henry Wadsworth Longfellow

Henry Wadsworth Longfellow
(1807-1882)

ဒီလူကြီးပေါ့ ဗျာ ..

အပြည့်အစုံသို့...

အကျဉ်းချုံး...

YEAR OF THE GENTLEMAN တဲ့ neyo က ပြောတာပဲ ..
အတန်း ထဲက စလုံးတွေကတော့ YEAR OF OX တဲ့ ..
အားလုံးကို ရှုတ် နေတာပဲ ..

ဘာပဲ ဖြစ်ဖြစ် အားလုံးကို မြန်မာပီပီလေး နှုတ်ဆက်လိုက်ပါတယ် ။

" ကုံးစီ ဖချိုင် " ပါ။




( ဘာတွေ ရေးထားလဲတော့ အကျွန်လဲ နားမလည်ဘူး ဗျို့  .. ကျုပ် ကျပ်သာ လိ လိုက်ကြတော့။ )


ဒါတောင် သိချင်မှ သိကြဦးမှာ ။ gong xi fa cai ဆိုတာကို ပြောပြောနေကြတာ ကြားဖူးပါတယ် ဆိုတဲ့ သူတွေကို အနက်ဖွင့် ပြလိုက်ပါတယ်။

"Gong Xi Fa Cai"

Gong Xi: means wishing/blessing

Fa: means enlarge(ment)

Cai: means wealth


လူတွေကို ဥစ္စာ ဓန တိုးပွားဖို့ ဆုတောင်းတဲ့ သဘောပါ။

စာဖတ် သူတို့လဲ နထီးနှစ် ( ဆဲနေတဲ့ အတိုင်းပဲ ) year of ox မှာ ကုန်း ရုံးပြီး economy crisis က နေ အလွတ် ရုံး နိုင်ကြပါစေ ဗျာ။

သာဓု ~ သာဓု ~ သာဓု

အပြည့်အစုံသို့...

အကျဉ်းချုံး...

lemme wash the dirty laundry in public .

ဆယ်တန်း စာမေးပွဲတွေက လဲ နီးလာပြီ။ ဒီအချိန်လောက်မှာ ကုန်းကျုံး ကျက်ခဲ့ရတာဆိုရင် ၄ နှစ်တောင် ကြာခဲ့ပေါ့။ ဒီနှစ်က ညီ ၂ ဝမ်းခွဲတိတိ တယောက်က ပါ ၁၀ တန်း ဖြေမှာ ဆိုတော့ အားပေးရဦးမှာပဲ။ ၁၀ တန်း ဆိုလို့ သတိ ရတယ် ။ ကျက်ရသမျှ စာတွေ ထဲမှာ အရ ဆုံးကတော့ အင်္ဂလိပ်စာ ပထမ အခန်းပဲ ဗျို့ ။ အားအားရှိ ဒါပဲ ထိုင် ရွတ် နေတာကိုး ။ မှတ် မိသေးတယ် ။ စလုံးကောင်တွေကို ၁ မိနစ်စာလောက် preview ရွတ် ပြလိုက်တာ ဝေါင်း ခနဲ ဝေါင်း ခနဲ နေတာပဲ ( wow ကိုပြောတာပါ ) ကဲ အသက် အောင့် လိုက်ပြီ။ စပြီ။

It is easy to understand the calendar we use today. It was not always so easy. People had to try for thousands of years before they knew how to put together days, weeks, months, and years.

More than 2,000 years ago, scientists in Egypt made a calendar. ( blah blah blah )
ကဲ မပြောဘူးလား မှတ်မိပါတယ် ဆို။ ပြောရတာ ရှက် ဖို့လဲ ကောင်းပါရဲ့  ။ ကိုယ့် ပေါင်ကိုယ် လှန်ထောင်း ရသလိုပါပဲ။ Ouch! ရွှေနိုင်ငံတော် ကြီးဆီက တက္ကသိုလ် ဝင်တန်း အင်္ဂလိပ်စာ ဆိုတာကြီးက ကျက် ဖြေကြီးပေါ့။ memory work မှာတော့ ရွှေကျောင်းသားတွေကို လာမယှဉ်နဲ့။ ဒီလို မှ မကျက်ရင်လဲ ကျမှာ ကိုးဗျ။ literature ဖတ် ဖို့ နေနေသာသာ grammar ဆိုတာတောင် ဘာမှန်း သေချာ မသိခဲ့ပါဘူးဗျာ။ ကိုယ့် ကိုယ်ကို လဲ သိပ်ကြီး အထင်တွေ ကြီးနေမှာ စိုးလို့ ပြန် ပြောရတာလဲ ပါသပေါ့။ ငါ ဒီလိုတွေ ကျက်လာခဲ့တဲ့ အင်္ဂလိပ်စာ ကို သင်လာပြီး တော့ ဘာမှ ဆက်မလုပ် ရင် ဘာမှကို တိုးလာမှာ မဟုတ်ဘူး လို့ တွေးမိအောင်လဲ ပါသပေါ့။ ဒါတောင် essay က တိုး သွားသေးတာ .. ကံကောင်းပုံများ ။ essay ဆိုတာ ကြီးကို ကျက် ရတယ်ပြောရင် ခွက်ခွက် လန်အောင် ရီလိုက်ကြမဲ့ စလုံးတွေ ကို တွေး မြင်ပါသေးရဲ့ ။
ဒါပေမဲ့ သူတို့က ပြောသေးသဗျ... မင်းတို့ အင်္ဂလိပ်စာကို ဘယ်တုန်းက သင်ရတာတုန်း တဲ့ ။ ကျွန်တော်တို့ လဲ ၄ နှစ်ဆို အေ .. လှည်းထောက် ဆိုပြီး ဘဘုန်း ဆီမှာ သင်ခဲ့ ကြတာပါပဲ။ ထူးမခြားနား ပါပဲ။
အဲတော့ သူများ နောက် ကောက် မကျရလေအောင် ကြိုးစားလိုက်ကြဦးစို့ ရဲ့  ။

သာဓု ~ သာဓု ~ သာဓု

ဒီထပ်ပို ပြီး calendar ကို မှတ်မိသူများ ရှိကြရင်လဲ comment မှာ ရေးသွားကြပါဦး။

အခုနှစ် ၁၀ တန်း ဖြေကြမဲ့ သူများ အားလုံး ဖြေဆိုနိုင် ကြပါစေ။

အပြည့်အစုံသို့...

အကျဉ်းချုံး...

ပေါက်တတ်ကရ စာတမ်းလွှာ

အပျင်းပိုးကျရောက်နေတဲ့ ကျွန်တော်တို့ရဲ့  ဘလော့ကို ပေါက်တက်ကရ လေးနဲ့ စိုစိုပြေပြေ ဖြစ်အောင် ကုစားလိုက်ပုံကတော့ ဒီလိုပါ တဲ့ ဗျာ ......
(ဇာတ်ထဲ အငြိမ့်ထဲက မင်းသမီးခေါ်တာ ကျနေတာပဲ .. ပြောပုံက )

စံတော်ချိန် တီးလုံး တီးစေ ...

မင်းသမီး ထွက်စေ ...

လူရွှင်တော်များ ဇာတ်နောက် ဝင်စေ ...

လိုက်ကာ ပိတ် ၊ ပြန်ဖွင့်စေ ...

~~~~~~~~~~~~~~~~~~~~~~~~~~~~~~

စာတမ်းလေးတပုဒ်ရေးဖို့ အရေး ချဲ့ ကား နေတာနဲ့ ပဲ လာဖတ်တဲ့လူတွေလဲ ဖျာပေါ်မှာ ကွေးနေကြပြီ ... အလယ်နားက အဒေါ်ကြီးလဲ မျက်လုံး ပေကလပ် ပေကလပ်နဲ့ ... အိပ်ချင်တာများဗျာ ကိုယ့်အိမ်ကိုယ် ဇိမ်နဲ့ မအိပ်ဘူး .. လူစော်နံ၊ ကလေးသေးစော်နံ .. ပိုက်ဆံလဲ အကုန်ခံပြီးများ ပွဲလာကြည့်ရသလို့ .. အံ့ပ

အော် .. ဒီ ငနဲတော့ လိုရင်းကို မရောက်ဘူး လို့ တော့ အပြောမစော လိုက်ကြပါနဲ့ဗျာ ..
အခုကျုပ်ရေးမယ့် စာတမ်းက အိပ်တဲ့ အကြောင်းမို့ဗျို့  .... နိဒါန်း ပျိုးနေရတာ ပဲ .. ကဲ စလိုက် ကြတာပေါ့ဗျို့  ..

မှတ်ချက် ။ ဒီစာတမ်း ကို သူများအိမ်ရောက်နေရင်၊ သို့ ၊ အလုပ်ထဲမှာ ဖြစ်နေခဲ့ရင် မဖတ်ဖို့ အကြံပြုပါတယ်။

အောက်ပါ အချက်တွေ နဲ့ ကိုက်ညီနေရင် သင်အိပ်ဖို့ အချိန် ပိုလိုအပ်နေပြီ ။ တော်တော် များများ မှန် နေရင် ဆက်မဖတ်နဲ့တော့ ဗျို့  .... တစ်ချိုး တည်းသာ ဝင်အိပ်လိုက် .. အစထဲက ပြောပြီးသားပဲ အလုပ်ထဲမှာ ဖတ် ရင် မသင့်တော်ဘူး လို့လေ..

၁ ။ အတော် ရီစရာမကောင်းသော အရာများကို ပက်ပက်စက်စက် ရီမိနေခြင်း ။
၂ ။ ခေါင်းကို ဆင်နင်းထားသကဲ့ သို့ခံစားရခြင်း ၊ ကိုယ့်ခြေထောက်ကို ကြည့်လျှင်ပင် ကောင်းမွန်စွာ မမြင်ရ ပျောက်ဆုံးနေသည်ဟု ပင် ခံစားရခြင်း။
( ချွင်းချက် . . . အသင်သည် ကိုယ်ဝန်သည် (သို့) ဂါဖီးလ် (သို့) အလား သဏ္ဍာန်တူ ပုဂ္ဂိုလ် ဖြစ်နေပါက
နဂိုမူလအတိုင်း မိမိခြေထောက်ကိုမိမိ မြင်ရလိမ့်မည် မဟုတ်။ ထိုသည်မှာ ပုံမှန်ဖြစ်ပြီး စိုးရ်ိမ်ဖွယ်မရှိ။ )
၃။ မြင်မြင် သမျှ အလှ အပ ချည်း ဖြစ်နေခြင်း ။ (credits to akm )
၎။ မျက်စိ မှိတ်ပြီးလျှင် ပြန်ဖွင့်ရန် အခက်အခဲ ရှိခြင်း။
၅။ မိမိ မြင်ကွင်းနှင့် အနီးအနားတွင် အလင်းမှုံ လိုလို အဖြူ အမှုံလေးများ တွေ့ နေရသလို ခံစားရခြင်း .. ( ရောဂါ ရင့်လျှင် သက်တံ့ ရောင် အစုံအလင် အမှုံများပါ တွေ့ ရနိုင်သည် စိုးရိမ်ဖွယ်မရှိ။)
၆။ အလိုလို နေရင်း ရုပ်ရှင် ဗီဒီယို ဇာတ်လမ်း များ ကြည့်ရသလို plot စုံညီစွာ မြင်ရ ကြားရခြင်း .. တခါ တရံ အသေးစိတ်ကျကျ .. လင်မယား ရန်ဖြစ် သလို အသံ များပါ ကြား နေရခြင်း(ဇာတ်ညွှန်း လက်တမ်းချရေး တဲ့ ဗမာပြည်က ပညာရှင်တွေ ဆိုရင် အသုံးတည့် လိုက်မည့်ဖြစ်ခြင်း။)
၇။ ကိုယ်သွား ချင်ရာတွေ သွားလည်ပြီး လောလော လတ်လတ် ပြန်ရောက်လာ သကဲ့သို့ ခံစားရခြင်း ။ ( တခါတလေများဆို ကမ္ဘာ ပတ်ချင်ပတ်နေလေရော .. ပြန်ရောက်လာမှ ... ' ဪ ' ခနဲ ဖြစ်တာ ..
၈။ ရောဂါ နောက်ဆုံး အဆင့် .. တွေ့ သမျှလူကို ဖနောင့်နှင့်ပေါက်ချင်စိတ်များပင် ပေါက်ပေါက် လာခြင်း ..

ကျုပ်လည်း အိပ်မှ နဲ့ တူရဲ့  ... တော်ကြာ လက်ပတော့ ကြီး ဖနောင့် နဲ့ ပေါက်မိနေမှ အဖေမကယ်နိုင် အမေ မကယ်နိုင် ယက်ကန် ယက်ကန် ဖြစ်နေလရော့မယ် ။

နားစို့ ကလေးတို့ ရေ ... အိပ်ကြတော့။

အပြည့်အစုံသို့...

အကျဉ်းချုံး...

ခရီးသွား ငါးယောက်

" အဲဒီ အတိုင်းဘဲ ငြိမ်ငြိမ်နေကြဦး "
" ၉ .... ၈ .... ၇ .... ၆ .... ၅ .... ၄ ..... ငါ မ မှီ တော့ဘူးထင်တယ် ... ၃ ... ၂ .... ၁ ... "
" ဟာ .. သွားပြီကွာ .. သောက်တလွဲ .. ဘေးကို ကြည့်ပါဆိုတာကို "

Tripod မပါ ၊ ရိုက်ပေးမည့်သူ မရှိ ဘဲနှင့် ဓါတ်ပုံ ရိုက်ရတဲ့ ဒုက္ခ ကတော့ ကောင်းကောင်း သိသွားခဲ့ ပြီပေါ့ ။ ၁၀ စက္ကန့် ချိန်ထားပြီး group ရှိရာ ဆီသို့ ပြေးလွှား သွားရသည် တောင် ကောင်းကောင်း မမှီချင်။ pose ပေးမလို့ လုပ်တုန်း ကင်မရာက ရိုက်သွားပြီ .. ကဲ ကောင်းကြပါလေရော ... Prinston နဲ့ ကျွန်တော်က ဘေးကို မကြည့် မိ၊ ဖြီးနေသည့် သွားများကလည်း လွန်ပါကောလား ၊ Mo ကတော့ ဘေးကိုကြည့်တာမှ လွန်ပါရော Prinston နဲ့ များရန်ဖြစ် စကားများထားသည့် နှယ်။ နောက်ဆုံး ထွက်လာသည့် ပုံကျတော့ .....

ကဲ ... group photo ကောင်းကောင်း ကို မရိုက်ရဘူး ... နောက်တပုံတော့ အဆင်ပြေကောင်းရဲ့  ဟု ထပ် ကာ ထပ်ကာ ရိုက် နေလေသည်။ နေကလည်း ဝင်လုပြီ မို့ သုတ်ခြေတင်နေရသည်။ တနေကုန် နေပူရှိန်ကြောင့်လဲ လူတွေက ပြိုင်းပြိုင်း ထနေလေပြီ။

XXX

blog trip သွားမယ်ရယ်လို့ စိတ်ထဲက တွေးလိုက်မိသည်နှင့် တပြိုင်နက် ဖုန်းတွေ ချက်ချင်း ကောက် ဆက်လိုက် မိသည်။ ဒါတောင် မြတ်စုက သူ့  ကျ မခေါ်ပါ ဘဲ ချန်ထားရကောင်းဟု ခုလု ခုလု နှင့် ( ဘာကြီးလဲတော့ သိဘူး .. မြတ်စု စိတ်ဆိုးနဲ့ နော်. . . စတာ )

သွားဖြစ်လိုက်တော့လည်း ကတိုက်ကရိုက်။ စားစရာမုန့် နဲ့ ဖျော်ရည် ကို FairPrice က ကမန်းကတန်း ဝယ်ပြီး သုတ်ခြေတင်လိုက်ရသည်။ ပြီးတော့ ၅ ယောက်ထဲက ၄ ယောက်က ကား မှတ်တိုင်မှာ ဆုံကြ ပြီး တူတူ စီးဖြစ်ကြသည်။ ကား အပေါ်ထပ်က ဝင်ထိုင်ကာ ဝန်ဒါမီယာ ရပ်ကွက်တွေက ဈေးကြီးပေးရသည့် လုံးချင်းတိုက်တွေကို ငေးရင်း နှင့် လိုက်ပါလာကြလေသည်။ ၄ ယောက်တည်းနှင့် စကားက တယောက်တပေါက်.. ကော်ဖီရောင် တိုက်တွေကို ကြိုက်သူကကြိုက် ၊ သွေးမစုပ်တတ်သည့် သွေးစုပ်ဖုတ်ကောင် အကြောင်းစာအုပ်ကို ထိုင်ဖတ်သူကဖတ် ၊ ရေကူးကန်ပါသည့် ၃ထပ်တိုက်ကို ငမ်းသူက ငမ်း ၊ မှတ်တိုင် ကျော်သွား မည်စိုးသဖြင့် ဘေးဘီ ကြည့်သူက ကြည့်နှင့် အတော်ပင် အလုပ်ဖြစ်နေကြလေ သည်။ ဒီလိုနှင့် ရောက်မှန်းမသိ ရောက်သွားလေသည်။

ကားပေါ်က ဆင်းဆင်းချင်း ရင်မောဖွယ်ရာ ကုန်းတက်ကြီးကို စတက်ရလေတော့သည် ။ ဟောဟဲ .. ဟောဟဲ ။ ဓါတ်ပုံတွေ ရိုက်ကြ ပြီးသကာလ မောမော ပန်းပန်းနှင့် ဇရပ်ဆောင်လေး ထဲ ဝင်ထိုင်နား ကြလေသည်။ ၅ ယောက်သား မောသည်နှင့်ဘဲ စကားတွေလဲ ဖောင်မဖွဲ့  နိုင်၊ ဖဲသာ ထိုင်ကြ ဖြစ်ကြတော့သည်။ တိန် ...ကောင်းရော ..

ပါလာသည့် အထုတ်အထည်တွေ ဖြေစားပြီးတော့ ၇နာရီ လဲ ထိုးခါနီးပြီမို့ ခရီးဆက်ဖြစ်ကြသည်။ ဟိုနားဒီနား လှည့်ပတ် ဓါတ်ပုံရိုက်ကြပြီး သကာလ ညမှောင်လာသဖြင့် ပြန်ကြမည်ပြုလေ၏။

" ခြောက်ကပ်ကပ် ပန်းခြံကြီးထဲမှာ ငါတို့ရယ်ခဲ့ကြတယ်။ နှစ်ပေါင်းကြာ ညောင်းတာတောင် Hawpar Villa ကြီး မပျက်မစီးဘဲ ကျန်နေသလို ဒီ အပျော်၊ အရယ် တွေက နောက် ၂ နှစ် ၃ နှစ် ၅ နှစ် ၁၀ နှစ် ကြာသည့်တိုင် မပျက်မယွင်းဘဲ ကျန်ကြွင်းပါစေသား "

စာကြွင်း ။ ။ လွန်ခဲ့တဲ့ ၅ နှစ်က ဒီ ခြောက်ကပ်ကပ် Hawpar Villa ပန်းခြံ ကြီးကို ဝင်ခ ၇ ကျပ်ပေးရသတဲ့ အရပ်ကတို့ ရေ .. အခု အလကား ဝင်ရတော့ ၃၅ ကျပ်သက်သာ သွားလေသတည်း ..... ခရီးသွားမှတ်တမ်းကို အများနည်းတူ ခရီးသွား မှတ်တမ်း ကဲ့သို့ မရေးတတ်သော အကျွန်ုပ် အား သည်းခံတော်မူကြပါ။ မရေးနဲ့ ဆိုတာကို အတင်း ရေးမိတဲ့အတွက် ဘလော့ ဘက်တော်သားများအားလုံး စိတ်မဆိုးကြေး .. :)

အပြည့်အစုံသို့...

အကျဉ်းချုံး...

အရောင်များနှင့် ရူးသွပ်ခြင်း သီအိုရီ

အနက်ရောင်ညတစ်ညမှာ
အနီရောင် သေဆုံးခြင်း တစ်ခု လွှမ်းမိုးသွားခဲ့မယ်လို့ ဘယ်သူများ ထင်မိမှာတဲ့လဲ။

ရွှေအိုရောင်အိနေတဲ့ ဘုံနမ်းမြင့်ထက်မှာ
ပန်းနုရောင်မင်းသမီး တစ်ပါး အေးချမ်းစွာလဲလျှောင်းနေတယ်။

အစိမ်းရောင်ရင့်ရင့် နှလုံးသားကို ဂူသွင်း မြှုပ်နှံတဲ့ အခမ်းအနားတစ်ခုရဲ့ လူအုပ်တွေထဲမှာ
ဖြူဖျော့ဖျော့ မျက်နှာတစ်ခုက ဘာအမူအရာမှမပြ။

ရီခြင်း၊ငိုခြင်း၊ ဝမ်းနည်းခြင်း၊ ပူဆွေးခြင်းတွေ ကတော့ ရင်ဘတ်ထဲမှာ ဘုရားပွဲလှည့်နေကြလေ၏
အပြင်ဘက်ကို ပေါက်ကွဲထွက်ဖို့ တွန်းကန်အားတစ်ခုက မပြည့်စုံသေး။

အဲလိုနဲ့ ပဲ ရူးသွပ်ခြင်း ကဗျာတစ်ပုဒ် လောကထဲသို့ ကျရောက်လာသတ္တံ့ ။

အပြည့်အစုံသို့...

အကျဉ်းချုံး...

ညွှန်းပါရစေ

မင်္ဂလာပါ။ အခုတစ်ပတ် စနေနေ့ က အတန်းထဲက စလုံး သူငယ်ချင်းတွေနဲ့ ရုပ်ရှင်သွားကြည့်ဖြစ်ပါတယ်။ ကြည့်ချင်နေတာ ကကြာပါပြီ။ မအားတာနဲ့ ၊ မချိန်းဖြစ်ကြတာနဲ့ မို့ ပါ။ ရုပ်ရှင် နံမည်က ENCHANTED ပါ။ Disney ရဲ့ ကားတစ်ကားပါ။

တစ်ခုတော့ ကြို ပြောထားပါရစေ။ ဒီဇာတ်လမ်းလေးက animated film နဲ့ real world ပေါင်းထားတဲ့ ကားတစ်ကားပါ။ သူ့ ဇာတ်သဘောက fairy tale လိုမျိုးဖြစ်နေတော့ ကလေးကလားလို့ ထင်မယ်ဆိုရင်တော့ ထင်နိုင်ကြပါတယ်။ ပျော်စရာကားလေးတွေကို ကြိုက် ကြပါတယ်ဆိုိတဲ့ သူငယ်ချင်းတွေ အတွက်ရည်ရွယ်ပါတယ်။ rated -- ၊ action genre ၊ တို့ horror genre ဘာညာ သာရကာ မှ ဆိုတဲ့ သယ်ရင်များကတော့ ကြိုက် မယ်မထင်ဘူး။ လွတ်လပ်စွာ သဘောထားကွဲလွဲ နိုင်ကြပါသည်။

ဇာတ်လမ်းလေးကတော့ ဒီလိုပေါ့ ။


တခါတုန်းကပေ့ါ။ Andalasia ဆိုတဲ့ ဗာရာဏသီလိုမျိုး ကာတွန်းထဲ ကတိုင်း ပြည်တစ်ခုရှိသတဲ့ ။ disney ကာတွန်းကားတွေထဲကလိုမျိုး သီချင်းတွေဆိုပြီးတော့ တိရ စ္ဆာန် တွေကို လဲ ချစ်တတ်တဲ့  မင်းသမီးလေး Giselle (Amy Adams) ဆိုတာရှိသတဲ့ ။ သူက မင်းသား Prince Edward (James Marsden) နဲ့ စေ့ စပ်ထားသတဲ့ ။ နောက်ပြီးတော့ fairy tale တွေ တိုင်းကလိုပဲ သူ့ မှာ အလွန် ဆိုးတဲ့ မိထွေး ရုပ်ဆိုးဆိုး စုန်းမ တစ်ယောက်ရှိတာပေါ့ကွယ်။ အဲဒီ မိထွေးက သူတို့ နှစ်ဦးကို လက်မထပ်စေချင်ဘူး။ ဘာလို့လဲဆိုတော့ လက်ထပ် ပြီးရင် သူ က ဘုရင် မကြီး နေရက ဆင်းပေးရတော့ မှာလေ။ အဲတော့ သူက မင်းသမီးလေးကို နတ်ရေတွင်းထဲကို ပစ်ချလိုက်သတဲ့ ။။ တန် တန် တန် …
အဲဒီ မှာ ဇာတ် လမ်းက စတာပဲ ။ အဲဒီ နတ် ရေတွင်းက နေ ချလိုက်တာ မင်းသမီးလေးက ဘယ်ရောက်သွားသလဲ ဆိုရင် ….. အခုခေတ် New York City ကိုပေါ့။ သူ့ မှာ အသိဆိုလို့ လဲ တစ်ယောက်မှမရှိ ။ ယောင်ချာချာနဲ့ လျောက် သွားနေတုန်းနယူးယောက် ရှေ့ နေ Robert Philip (Patrick Dempsey) နဲ့ သွားတွေ့ တယ် ။ Robert ရဲ့ သမီးလေးက ပုံပြင်ထဲက မင်းသမီးလေးကို အပြင်မှာ တွေ့ ရတော့ ပျော်သွား ပြီး အိမ်ခေါ် လာဖို့  တောင်းဆိုပါတော့တယ် ။
ခေါ်လာပြီး နောက်နေ့ မနက်မှာပဲ Robert နဲ့ ယူတော့မယ့်  Nancy (Idina Menzel) က သူတို့ နှစ်ယောက်ကို တူတူ သွားတွေ့ ပါလေရောတဲ့ ကွယ်။ ဘယ်လို ရှင်းပြရှင်းပြ မယုံ တော့ ဘူးလေ။
နောက်နေ့ တော့ သူ့  ပုံပြင်ထဲက မင်းသား လေး ပါ နတ် ရေတွင်းထဲ ခုန် ဆင်းပြီး နယူးယောက်ကို လိုက်လာပါသတဲ့ ။ မင်းသမီး ရှာပုံတော် ဖွင့်တာပေါ့။
သုံးပွင့် ဆိုင် ဇာတ် လမ်း လေးပါပဲ ကွယ် ….
ဒါပေမဲ့  သူတို့ နှစ်ဦးကို လက်မထပ်စေချင်တဲ့  မိထွေးက ဒီတိုင်းတော့ ဘယ်နေလိမ့် မလဲ။ သူ ကလဲ စုန်း ပါဝါ ရှိနေပြီးသားလေ ။
True love’s kiss ကိုယုံကြည်တဲ့ မင်းသမီးလေး နဲ့  ပုံပြင်ထဲကမင်းသား၊ ပြီးတော့ နယူးယောက်မြို့ တော်က သမီး တစ်ယောက် ဖခင် ရှေ့ နေ၊ နဲ့  ရှေ့  နေရဲ့  ကောင်မလေး တို့  ဘယ်လို စခန်း သွားကြမလဲ ။
ဘယ် အတွဲက ဘယ်လို happily ever after ဖြစ်ကြမလဲ ဆိုတာကတော့ ….

Movie Review ဆိုတော့ ဒီလောက်ပဲ ပြောနိုင်မယ်နော် .. သိချင် ရင် ဝယ်ဖတ် … အဲလေ.. ရုပ်ရှင်ရုံ သွားကြည့်ပါ လို့ ။

အမြည်း ပေးပြီးပြီ ဆိုတော့  လက်ဆောင်လေးတွေ ပါပေးဦးမယ်။
Disney ရဲ့ စတိုင်လ် အတိုင်း ဒီဇာတ်ကား ရဲ့  soundtrack တွေ ကလဲ အံ့မခန်းပါပဲ ။
ကော်နက်ရှင် ကောင်းပါတယ် ဆိုတဲ့  သယ်ရင်းတွေက ဒီလင့်ကို နှိပ်ပြီး သွားကြည့်လိုက်ပါ။ Disney ဆိုဒ် က ရထားတဲ့  သီချင်း movie လေး ၃ပုဒ်ပါ။
မဟုတ်လို့  song ချည်းပဲ လိုချင်ပါတယ်ဆိုရင် နောက်မှ ယူပါ။ တင် ပေးပါ့မယ်။

အခုတော့ ဒီလောက်ပါပဲ ။
နောက် ကျွန်တော် ပိုက်ဆံ ရှိရင် အားလို့ ရုပ်ရှင် ထပ်ကြည့်ဖြစ်ရင် movie review လေးတွေ ထပ် share လိုက်ပါဦးမယ်။

အပြည့်အစုံသို့...

အကျဉ်းချုံး...

မပစ် လိုက်ရတဲ့ မြားတို တစ်ချောင်း

ဒီနေ့  တိုက်ပွဲမှာ သူရှုံးနိမ့် ခဲ့တယ်။ သူ့စိတ်ကပဲ ရှုံးနိမ့် တယ်လို့ထင်နေတာလား။ တကယ်ပဲ ကျရှုံးသွားခဲ့တာလား ဆိုတာတော့ သူမဝေခွဲနိုင်ပါ။ လှပတဲ့တိုက်ပွဲ တစ်ခု မဖြစ်ခဲ့သည်ကတော့ သေချာသည်။
သူ အကြည့်ခံခဲ့ရသော မျက်လုံး များစွာ၏ အနက် အဓိပ္ပါယ် ကိုလဲ မဖွင့်ဆိုတတ် ။ ဖွင့်ဆိုဖို့ လဲ သူ့မှာ အားအင်မရှိ။ အခြားတိုက်ပွဲ ဝင်သူရဲကောင်းများ၏ အော်ဟစ် ညီးတွားသံများ၊ မျက်ရေများ၊ နှင့် နှလုံးသွေးများ သွန်ကျနေသော ထို နေရာမှ သူလှည့်ပြန်လာခဲ့သည်။
စစ်ကူမဲ့၊ ရိက္ခာမဲ့ ကာ လက်နှက်ချင်း မညီမျှသော ထိုတိုက်ပွဲသည် ကျခဲ့သော သူ့မျက်ရည် စက်များနှင့် မတန်။ သို့သော် သူ၏ရင်တွင်းမှ အကူအညီ တောင်းသံများကို ထိန်းချုပ်နိုင်စွမ်းမရှိပေ။ ပူလောင် ဆူပွက်နေသော နှလုံးသွေးများကို ငြိမ်းသတ် ပေးနိုင်မည့် ရေတစ်ပေါက်တော့ သူ လိုအပ်နေသည်။
သွေးစိမ်းရှင်ရှင် ထွက်နေသော သူ့ ဒဏ်ရာ က ရင်ထဲက ဆူပွက်နေသော နှလုံးသွေး နှင့်တော့ မနှိုင်းအပ်။ သူငို ကြွေး တေင်းခံနေပါသော်လည်း တခါ ပြန်ရနိုင်တော့မည် မဟုတ်သော် ထိုတိုက်ပွဲတစ်ခု အတွက် သူ မမှုတော့ပါ ဟု သူ့ ကိုယ်သူ သတိပေးနေရသည်။ “နောက်ထပ်အခွင့်အရေးတစ်ခု” ဆိုသော စကားကို သူ မချင့်မရဲ ပြောကြည့်သည်။ သူ့ ပါးစပ်ကတော့ စကားလုံးတစ်လုံး တစ်လေမှ ထွက်မလာခဲ့ပေ။ သူလဲ အခွင့် အရေး နောက် တစ်ကြိမ် ရသင့်သည် မဟုတ်ပါလား ။ ရချင်သည် ဟုပြောလျှင် ပိုမှန်လိမ့်မည်။
သူရဲကောင်းတွေ ရဲ့ အသွေးအသားတွေ ဖြန့် ခင်းထားတဲ့ ဒီတိုက်ပွဲ ကို နောက်တစ်ခါ လာခွင့်၊ ဆင်နွှဲ ခွင့် ရခဲ့လျှင် ကော? အပြောင်းအလဲ တစ်ခုခုတော့ ဖြစ်လာမှာမလွဲပင်။ ရိက္ခာအပြည့် လက်နှက်အပြည့် နှင့် တစ်ဖန် ဆင်နွှဲ နိုင်လိမ့် မည်ဟု မျှော်လင့်ရုံ မှ တပါး အခြား မရှိတော့ ပါ။

အပြည့်အစုံသို့...

အကျဉ်းချုံး...

ဆုရ မျိုးကောင်း ပြောင်း

နဘရာစကာ (Nebraska) ပြည်နယ်ရှိ လယ်သမားတစ်ဦးစိုက်ပျိူးတဲ့ ပြောင်းဖူးတွေဟာ အကောင်းဆုံးဆု နှစ်စဉ်ရလေ့ရှိတယ်။ နှစ်တိုင်း ပြိုင်ပွဲ ဝင်လိုက်တယ်ဆိုရင်ပဲ အပြာရောင် ဖဲကြိုးဆုက သူ့ အတွက် မလွဲ ဆိုသလိုပါပဲ….
ယခုနှစ်တော့ သတင်းစာတိုက်တွေကပါ သိပြီးကျော်ကြားသွားတယ်။ သတင်းထောက် တစ်ဦးဟာလဲ အင်တာဗျူးမေးဖို့ ဖိတ်ခေါ်လာတယ်။ ဘယ်နည်းဘယ်ပုံ ဆုရနေတယ်ဆိုတာ လေ့လာဖို့ တဲ့လေ။ နောက်တော့ သတင်းထောက်သိရှိသွားတာက ထိုလယ်သမားဟာ အခြားသော လယ်နီးနားချင်းများနှင့် သူ့ ရဲ့ ဆုရ ပြောင်းမျိုးစေ့များ ကိုဝေမျှသုံးစွဲသည် ဆိုသည့်အချက်ပဲဖြစ်တယ်။
အဲဒီတော့ သတင်းထောက်က မေးလိုက်တယ်။ “ ခင်ဗျားနဲ့တူတူ ပြိုင်ပွဲဝင်နေတဲ့ သူတွေကို ဘာလို့ အကောင်းဆုံးမျိုးစေ့တွေ မျှပေးရတာလဲ။ ”
“ခင်ဗျား မသိသေးဘူးနဲ့တူပါရဲ့ ” လယ်သမားကပြန်ဖြေတယ်။ “ တကယ်လို့  လယ်နီးချင်းတွေသာ မျိုးကောင်းတဲ့ ပြောင်းကို မစိုက်ရင် ဝတ်မှုံကူးနည်းက ကျွန်တော့်ပြောင်းဖူးတွေရဲ့ အရည်အသွေးကို နိမ့်ကျ သွားစေမှာပေါ့။ ” လယ်သမားက ဆက်လက်ရှင်းပြတယ်။ “ ကျွန်တော် မျိုးကောင်းစိုက်ချင်ရင် တခြားသူတွေကိုပါ မျိုးကောင်းစိုက်ဖို့ ကူညီပေးရမှာပေါ့”
လယ်သမားဟာ ဘဝမှာ အချင်းချင်း ပတ်သက် ဆက်နွှယ်နေမှုကို သတိထားမိသည်။ ဘေးက လယ်တွေရဲ့ ပြောင်းတွေသာ မတိုးတက်ရင် သူ့ ရဲ့ ပြောင်းတွေလဲ တိုးတက်မှာ မဟုတ်ဘူး။
ဒီ ဥပမာလေးဟာ ကျွန်တော်တုိ့ရဲ့ နေ့စဉ်ဘဝ တွေကိုလဲ အကျိုးပြုနိုင်မှာပါ။
ကိုယ် ငြိမ်းချမ်းမှုကို လိုချင်ရင် ပတ်ဝန်းကျင်ကို ငြိမ်းချမ်းအောင် ကူညီရမယ်။
ကိုယ် စိတ်အေးချမ်းကောင်းမွန်စွာနေထိုင်ချင်သူများဟာ အခြားသူများကို လဲကောင်းမွန်စွာနေနိုင် အောင် ကူညီကြရမယ်။
ကိုယ် ပျော်ရွှင်ချင်ရင် သူတပါး ပျော်ရွှင်အောင် ကူညီကြရမယ်။
ဒီပုံပြင် ရဲ့သင်္ခန်းစာကတော့ “ ပြောင်းကောင်းကောင်း စိုက်ချင်ရင် လယ်နီးချင်းတွေကိုပါ ပြောင်းကောင်းစိုက်နိုင်အောင် ကူညီလိုက်ပါ။ ”

အပြည့်အစုံသို့...

အကျဉ်းချုံး...

ထို သေတ္တာလေးက သာမန်သေတ္တာ…… သို့ ပေမဲ့။

ဒီပုံပြင်လေးက တော့ တော်တော်ကြာလို့ ဟောင်းနေပါပြီ။ ဒီလိုပါ။ အဖေက သုံးနှစ်အရွယ် မိန်းကလေး တစ်ယောက်ကို ရွှေရောင် ပါကင်စာရွက် ကို ဖြုန်းတီးမှုဖြင့် ဆုံးမနေသည်။ ငွေ အကျပ် အတည်းဖြစ်နေချိန်တွင် ဖြုံးတီးရကောင်းလားဟု အပြစ်ပေးခြင်းဖြစ်သည်။ ထိုညက ကလေးမလေးက ခရစ်စမတ် သစ်ပင်ခြေရင်းတွင် ဝမ်းနည်းစွာဖြင့် ထို ရွှေရောင် သေတ္တာလေးကို ချထားခဲ့သည်။
နောက်တနေ့ မနက်။ “ ဒါဖေဖေ့အတွက် ” ဟုဆိုကာ ရွှေရောင် သေတ္တာလေးကို သူမ အဖေ ထံပေးလာသည်။ အဖေကတော့ ယခင်က စိတ်ဆိုးခဲ့သည်ကို ပြန်လည် နောင်တရနေမိသည်။ ဒါပေမဲ့ သေတ္တာလေးကို ဖွင့်ကြည့်လိုက်တော့ စိတ်ပြန်ဆိုးသွားသည်။ သေတ္တာထဲမှာ ဗလာနတ္တိ။ သူ သမီးလေးကို စိုက်ကြည့်ပြီး ပြောလိုက်တယ်။ “လက်ဆောင်ပေးတယ်ဆိုတာ တစ်ခုခု ပါရတယ်ကွ။ ” သူအော်လိုက်တော့ မိန်းကလေးက ငိုသံပါပါနဲ့ ပြန် ဖြေသည်။ “ ဒီသေတ္တာက ဗလာမဟုတ်ပါဘူးဖေဖေ။ အထဲမှာ သမီး အနမ်းတွေ အများကြီးထည့်ထားတယ်။ အားလုံး ဖေဖေ့ အတွက်ပါ။ ” ဆိုသော အဖြေစကားကြားရလေသည်။
သမီးလေးရဲ့ ဖေဖေ ဒီတစ်ခါတော့ မှင်သက်မိသွားသည်။ ဆွ့ံအသွားသည့်နှယ်။ ပြီးမှပဲ သမီးလေးရှေ့ ချက်ချင်း ဒူးထောက်လို့ သူ့လက်တွေနဲ့လည်း သိုင်းဖက်ထားသည်။ ဖေဖေ့ကို ခွင့်လွှတ်ပါ ဟုလဲ အကြိမ်ကြိမ်တောင်းပန်နေတော့သည်။
များမကြာမီပဲ ကားမတော်တဆမှုတစ်ခုက အဖေ့ဆီကနေ သမီးလေးကို အပြီးပိုင် ခွဲကာခေါ်သွားတော့သည်။ ထိုအဖေသည်လည်း သမီးလေးပေးသော လက်ဆောင် ရွှေရောင် သေတ္တာလေးထဲမှ အနမ်းများကို စိတ်ညစ်တိုင်း၊ အားငယ်တိုင်း ထုတ်ကြည့်ကာ သမီးလေး၏မေတ္တာကိုလဲ အမြဲပင် သတိရကာနေပါတော့သည်။

လူတိုင်းတွင် ချစ်မေတ္တာနှင့် အနမ်းများစွာထည့်ထားသော ရွှေသေတ္တာ ပိုင်ဆိုင်ကြသည်။ မိသားစုများ၊ သူငယ်ချင်းများ ဆီမှ။ ထိုအရာထက် မည်သည့်အရာကမျှ တန်ဖိုးမရှိနိုင်ပေ။

ထို သေတ္တာလေးက သာမန်သေတ္တာ…… သို့ ပေမဲ့။ အနမ်းတွေနဲ့ ပြည့်လျှမ်းနေတဲ့ သေတ္တာ။

အပြည့်အစုံသို့...

အကျဉ်းချုံး...

ခဲတံပုံပြင်

ခဲတံ ပြုလုပ်တဲ့ အတတ်ဖြင့် အသက်မွေးသူတဦးသည် ခဲတံလေးတစ်ချောင်းကို ရောင်းတန်းဝင် ဘူးထဲသို့ ထည့်မပိတ်မီ အပြင်ကို ခေတ္တ ထုတ်ထားလိုက်တယ်။

“မင်းသိဖို့ လိုတဲ့အချက်ငါးချက်ရှိတယ်။ ” ထိုလူက ခဲတံကို ပြောလိုက်တယ်။ “မင်းကို အပြင်လောကကို မထုတ်မီမှာ ဒီအချက်တွေကို မင်း အမြဲသတိရမယ်ဆိုရင် မင်းဟာ လောကမှာ အကောင်းဆုံးခဲတံတစ်ချောင်းဖြစ်လာလိမ့်မယ်။ ”

“ ၁ အချက်။ မင်းဟာ မင်းကိုယ်မင်း လူတစ်ယောက်ရဲ့ လက်ထဲမှာ အမြဲ ရှိနေစေရမယ်”
“၂ အချက် ။ မင်းဟာ နာကျင်တဲ့ ချွန်စက်ဒဏ်ကို အချိန် မရွေးခံရနိုင်တယ် ။ ဒါပေမဲ့ အဲဒါဟာ မင်းကောင်းစားဖို့ပဲ။”
“၃ အချက် ။ မင်းလုပ်ခဲ့တဲ့ အမှားတွေကို မင်းကိုယ်တိုင် ပြင်နိုင်ရမယ် ။”
“၄ အချက် ။ မင်းရဲ့  အရေးကြီးဆုံး အစိတ်အပိုင်းဟာ မင်းရဲ ကိုယ်တွင်းမှာ ပဲရှိတယ်။ ”
“၅ အချက် ။ မင်း ကို ဘယ်မျက်နှာပြင်ပေါ်မှာပဲ ရေးရေး ထင်အောင်ရေးရမယ်။ ဘယ်အခြေအနေရောက်ရောက် မင်းဆက်လက် ရေးသားသွားရမယ်။”

ခဲတံ ကလဲ နားလည်ပြီး မှတ်ထားပါမည် ဟုကတိပေးသည်။

ယခု ခဲတံ နေရာတွင် သင့်ကိုယ်သင် ကိုယ်စားထည့်လိုက်ပါ။ ဒီအချက်တွေကို မင်း အမြဲသတိရမယ်ဆိုရင် မင်းဟာ လောကမှာ အကောင်းဆုးံ လူတစ်ဦးဖြစ်လာလိမ့်မယ်။

၁။ တခြားလူတွေ ဆုံးမအကြံပေးတာ။ မိဘဆွေမျိုး သူငယ်ချင်းတွေ အကြံပေးတာကို ခံယူပါ။
၂။ အခက်အခဲတွေကို အချိန်မရွေးကြုံတွေ့ နိုင်ပေမဲ့၊ အဲဒါတွေကပဲ မင်းကို ပိုမို သန်မာတဲ့ လူတစ်ဦး ဖြစ်စေမှာ။
၃။ မင်းအမှားတွေကို မင်းကိုယ်မင်း ပြင်နိုင်အောင်ကြိုးစားပါ။
၎။ မင်းရဲ့ အရေးကြီး အစိတ်အပိုင်းဟာ မင်းရဲ့ အတွင်းစိတ်ပါပဲ။
၅။ မင်း ဘယ်အခြေအနေ ဘယ်နေရာပဲရောက်ရောက် မင်းလုပ်ရမဲ့ တာဝန်တွေကို ကျေပွန်အောင်ထမ်းရွက်ပါ။

ခဲတံဥပမာကို အသုံးချပြီး ဒီအချက် တွေကို မှတ်ထားမယ်၊ လိုက်နာမယ်၊ ဆိုရင်တော့ မင်းဘဝက အမြဲ တိုးတက်နေမှာပါ။

Parable Of The Pencil - Pencil story ဆိုတဲ့ ဝတ္တုတိုလေးကို ဘာသာပြန်ထားတာပါ။

အပြည့်အစုံသို့...

အကျဉ်းချုံး...

အတွေးလွန် ဝတ္တု

အချိန်သည်ကား ခရစ်နှစ် ၂၁၅၅ မတ်လ ၁၇ ရက်။

လမ်းမကြီး တစ်လျောက်လုံး တိတ်ဆိတ် ငြ်ိမ်သက်လို့ နေသည်။ မျက်စိတစ်မှိတ်အတွင်းမှာပင် မိန်းကလေးတစ်ဦး ဝုန်းခနဲ ရောက်ချလာသည်။ သူမစီးလာသောယဉ်ပျံမှာလဲ ရုတ်ချည်း ပင် ပျောက်ကွယ်သွားတော့သည်။


သူမကား မူလတန်းကျောင်းသူအရွယ် မိန်းကလေးတဦး။ နာမည်က ဆူဆန်။
သူမ၏သူငယ်ချင်းထံသို့ အရေးကြီး တွေ့ ရှိချက်တစ်ခုကို ဖောက်သည်ချရန် ရောက်လာခြင်းဖြစ်သည်။ ခြံတံခါး ဝအနားရောက်လာတော့ “ဘယ်သူပါလဲ၊ ဘယ်သူနဲ တွေ့  ချင်ပါသလဲ ” ဟုအသံတစ်ခု တံခါးဝမှ ထွက်ပေါ်လာသည်။ “တွမ်ရဲ့ သူငယ်ချင်း ဆူဆန်ပါရှင်” ဟုပြောလိုက်ပြီးချင်း ခြံတံခါးမှာ အလိုလျောက် ပွင့်သွားသည်။
အခန်းတစ်ခန်းထဲတွင် အလုပ်ရှုပ်နေပုံပေါ်သော တွမ်ကိုသူမတွေ့လိုက်ရသည်။ “ဟေ့တွမ်။ ငါအရေးကြီး ပြောစရာရှိလို့။ ငါ့အဖိုးက တစ်ခါပြောဖူးတယ် သူ့ အဖိုးလက်ထက်က ဆိုရင် ပုံပြင်တွေက စာအုပ်တွေပေါ်မှာ ပုံနှိပ်ထားကြတယ်တဲ့ ။ အခု ငါ့အဖိုး ပေးလိုက်လို့ အဲဒီပုံပြင် စာအုပ်တစ်အုပ် ရလာခဲ့ပြီ။ ” ဟုပြောရင်း ပစ္စည်းတစ်ခုကို ထုတ်ပြသည်။ သူတို့ နှစ်ဦး စာရွက် တွေကို ပျော်ရွှင်စွာ လှန်ကြည့်နေကြသည်။ အဝါရောင်သန်းနေပြီး ကျွတ် ဆတ်နေသော စာရွက်ပေါ်မှ ရုပ်သေနေသော ရုပ်ပုံများကို ထူးဆန်းစွာကြည့်နေကြသည်။ မထူးဆန်းပဲနေရိုးလား။ သူတို့ ဖတ်နေကျ ပုံပြင်စာအုပ်များမှ လှုပ်ရှားနေသော ဇာတ်ကောင်များနှင့်ယှဉ်လျှင်တော့ ထူးဆန်းသပေါ့။ ရေးထားသည့် အကြောင်းအရာများကလည်း ထူးဆန်းချင်စရာပင်။ “ကျောင်း”အကြောင်း။

“ကျောင်းအကြောင်းကို ဘာလို့များ ရေးကြီးခွင်ကျယ် လုပ်ပြီး ထည့်ရေးနေရတာလဲမသိဘူး” တွမ်က မျက်လုံးအဝိုင်းသားနှင့် မေးလိုက်တော့ “လွန်ခဲ့ တဲ့နှစ်ပေါင်းများစွာက ကျောင်းက အခုနဲ့မှ မတူပဲဟ။ သူတုိ့မှာက ဆရာဆိုတာ ရှိတယ်။ ဆရာရှိတာ မဆန်းပေမဲ့ သူတို့ဆရာက ရိုးရိုးဆရာမဟုတ်ဘူးဟ၊ “လူ”ဆရာကြီး တစ်ယောက်ဟဲ့” ဟု ဆူဆန်က ဆရာမကြီးပုံဖမ်းကာ ပြောလိုက်သည်။ တွမ်က လဲစိတ်ဝင်တစား။ “လူတစ်ယောက်က ဘယ်နှယ့်လို့ ဆရာဖြစ်နိုင်မှာတုန်းဟ ကြံကြီးစည်ရာ။ ” “နောက်ပြီးတော့ ငါကတော့ သူစိမ်းတစ်ယောက်ကို ကိုယ့်အိမ်ကိုခေါ်သင်ရမှာ ….. တွေးတောင်မတွေးမိဘူး” ဟုမယုံသင်္ကာ အသံဖြင့် ပြန်ပြောသည်။ အဲဒီမှ ဆူဆန်က “ မသိဘဲနဲ့ လျှောက်ပြောမနေနဲ့ တွမ်၊ သူတို့ ဆရာတွေက အိမ်မှာ မဟုတ်ဘူးဟ။ သူတို့မှာ သီးသီးခြားခြား အဆောက်အဦး တစ်ခုရှိတယ်။ ပြီးတော့ ကလေးတွေအားလုံးက အဲဒီနေရာကို လာကြတယ်။ စာသင်ကြတယ်လေ” ဆူဆန်က ရှင်းပြနေသည်။

“ ဒါဆိုရင် ကလေးတွေ အကုန်လုံးက ဘာသာရပ်တူတူတွေကို သင်ကြ ရတာပေါ့ ဟုတ်လားဆူဆန်။” ဟု ပြန်မေးခွန်းထုတ်သည်။ ဆူဆန်က “ အသက်တူတူဆိုရင် ဘာသာတူတူ သင်ကြတာပေါ့။ သိချင်ရင် ဆက်ဖတ်ပါတွမ်ရာ။ စကားမများစမ်းပါနဲ့ ” ဟုဆိုကာ နောက်စာမျက်နှာကို လှန်လိုက်သည်။ “ ငါ့အမေပြောဖူးတယ်ဟ။ မိန်းကလေး ယောက်ျားလေး တစ်ဦးစီရဲ့  သင်ယူနိုင်မှု အခြေအနေနဲ့ စိတ်နေစိတ်ထားတွေကို လိုက်ပြီး ဆရာဆိုတာ တီထွင်ရတာတဲ့။ ပြီးတော့ နင်ဆိုရင်လဲ နင့်မိဘက လိုက်ဖက်တဲ့ဆရာကို သီးသန့် ဝယ် ဆင်ထားတာပဲမဟုတ်လား” ဟု ရှည်လျား စွာ အတွန့်တက်လိုက်သည်။ “ နင်ဆက်မဖတ်ချင် မဖတ်နဲ့တော့ဟာ” “သူတို့တုန်းက အခုလိုမှ မတူပဲနဲ့” ဟုဆူဆန်က ပြန်အော်လိုက်သည်။ အဲဒီတော့မှ တွမ်က “ ငါမဖတ်ချင်ဘူးလို့လဲ မပြောခဲ့ပါဘူး” ဟု လျင်မြန်စွာပြန်ဖြေသည်။

သူမဖတ်ရမှာတော့စိုးသည်။ ရှေးရှေးက ကျောင်း အကြောင်းကိုတော့ သူတော်တော်စိတ်ဝင်စားသွားသည်။ အကြောင်းအရာများကတော့ ရယ်ချင်စရာ။ လူကစာသင် သတဲ့လေ။ ပြီးတော့ ကလေးတွေအကုန်က တူတူ စာသင်ကြရသတဲ့။ အင်းလေ ပျော်စရာတော့ ကောင်းမှာပဲ။ သူတစ်ကိုယ်ထဲတွေးနေမိသည်။
သူတို့နှစ်ယောက်စာအုပ်ဖတ်နေရင် တစ်ဝက်မကျိုးသေးခင်မှာပင် တွမ်၏အမေက ခေါ်သည်။ “ သားရေ ကျောင်းချိန်ရောက်ပြီ။ ဆူဆန်လဲ ကျောင်းချိန်မဟုတ်လားကွယ်။ ပြန်တော့လေ သမီးလေး။”

ဆူဆန်က ဖုန်တက်နေသော စာအုပ်ကြီးကိုမပြီး အိမ်ပြန်ရန် ပြင်သည်။ တွမ်ကတော့ စာသင်ရန် အခန်းဆီသို့ လျှောက်သွားသည်။ တွမ်၏ အခန်းနှင့် ကပ်လျှပ် ရှိသော အခန်း။ ပြီးတော့ သူ့ အမေ ဝယ်ပေးထားသောဆရာ။ ဟိုရှေးခေတ်က လူဆရာနှင့်တော့ ကွာသည်။ သူ့ ဆရာက “ စက် ” ဆရာ။ စနေတင်္နဂနွေမှလွဲ ပြီးကျန်ရက်များအားလုံး ဒီအချိန်ဆိုရင် စာသင်ရသည်။ သူ့ ရှေ့ မှလင်းလာသော တီဗွီဖန်သားပြင် ကြောင့် တွမ်၏အတွေးများ ရပ်သွားခဲ့ရသည်။ “ ဒီနေ့ သင်မှာကတော့ အပိုင်းဂဏန်းများပေါင်းနည်းဖြစ်ပါတယ် ” ဟူသော နေ့တိုင်းကြားနေကျ ရိုးအီနေသည့် အသံကြီး။ “ မနေ့က ပေးလိုက်တဲ့ အိမ်စာကို memory card အပေါက်ထဲကို ထည့်ပါ” ဟုလဲ ထို စက် ဆရာက ဆက်ပြောနေသည်။ သူ လုပ်နေကျအတိုင်း ထိုးထည့်လိုက်ပြီး ဆက်တွေးနေသည်က ……. ရှေးကဆိုလျှင် အရွယ်တူ ကလေးများ တစုတစည်းတည်း။ ရီကြမောကြ၊ ပျော်ကြပါးကြနှင့် ။ စာသင်တော့လည်း အတူတူ။ အိမ်ပြန်တော့လည်းအတူတူ။ တစ်ယောက်နှင့် တစ်ယောက် အိမ်စာလဲကူ ရှင်းပြနိုင်သည်မဟုတ်လော။ ဆရာများကလဲ လူတွေဆိုတော……. ဟု တွေးနေစဉ် စက်ဆရာက “ ၁/၄ နဲ့ ၁/၈ ပိုင်းပေါင်းရင် ..” ဟု ပျင်းစရာသင်္ခန်းစာကြီးကို ဆက်ဆွေးနွေးနေပြန်သည်။

“ တီဗွီကြီး ဖွင့်ပြီးဘာလုပ်နေတာလဲ ကွ.. ” ယောက်ျားကြီးတစ်ယောက်အသံ။ ထို စက်ဆရာ၏ အသံမဟုတ်တာတော့ သေချာသည်။ အသံကတော့ အတော် ရင်းနှီးနေသယောင်။ ဒါဆို တွမ်၏ အဖေလား… အဖြေကတော့ “ မဟုတ်ပါ” ။
ကျွန်တော့်အဖေ။ ရှေ့ တည့်တည့်တွင်လဲ ထပ်တလဲလဲ ကြည့်နေကျ “I, Robot ” ကားပွင့်လျှက်ရှိနေသည်။ “ မိုးချုပ်နေပြီ အိပ်တော့ ” ဟု အဖေက ပြောသွားသဖြင့် ဒီဗွီဒီ စက်ကို ပိတ်ပြီး အခန်းထဲ ဝင်အိပ်ဖို့ပြင်သည်။
နားထဲမှာတော့ စက်ဆရာ၏ “ ၁/၄ နဲ့ ၁/၈ ပိုင်းပေါင်းရင် ..” ဟု ပျင်းစရာသင်္ခန်းစာကြီး အသံကို သာကြားယောင်နေသည်။

လက်စသတ်တော့ ငါအိပ်မက် မက်နေတာပါလား………..

အပြည့်အစုံသို့...

အကျဉ်းချုံး...

စိတ်အစာ အာဟာရလေးများ

လောကတွင် အကောင်းဆုံးနှင့် အလှပဆုံးအရာများသည် မြင်လည်းမမြင်နိုင် ကိုင်တွယ်၍လည်းမရပေ။ သင်၏ နှလုံး သားထဲတွင်သာအမြဲ တစေ ကိန်းဝပ်နေတတ်သည်သာ။ (Helen Keller)
အတိတ်ကိုလည်း ဒေါသနှင့် ပြန်လှည့်မကြည့်ပါနှင့်၊ အနာဂတ်ကိုလည်း စိုးရွံ့ စိတ်နှင့် မျှော်မကြည့်ပါနှင့်၊ ပစ္စုပ္ပာန် ကိုသာ ဂရုတစိုက် နှင့်စောင့်ကြည့်ပါ။ (James Thurber)
ဘဝသည် စက်ဘီးစီးနေသူသဖွယ်။ သင်ခြေနင်းရပ်မသွားမခြင်း ဘယ်တော့မှမလဲ။ (Claude Pepper)
ဘဝတွင် အသက် ရှည်ခြင်း (length of life)သည် အရေးမကြီးလှ၊ ဘဝအဓိပ္ပါယ် နက်ရှိုင်းမှု (depth of life) အတွက်သာ ရှေ့  ရှုပါ။ (Ralph Waldo Emerson )
ဘဝ၏အနာဂတ်ဆိုသည်မှာ ၄င်းတို့ ၏ အိပ်မက်များ အကောင်အထည်ဖော်နိုင်ရေုးကို ယုံကြည်သူများတွင်သာရှိသည့်အရာဖြစ်သည်။ (Eleanor Roosevelt)
ဘာမှမလုပ်သူများသည်သာ ဘယ်တော့မှအမှားမလုပ်သူများဖြစ်ကြသည်။ ( Mikhail Gorbachev)
သင့်ကိုပျော်ရွှင်အောင် လုပ်ပေးနိုင်သူသည် သင်ကိုယ်တိုင်သာဖြစ်သည်။ ( Anonymous)
သင်မပစ်သော ပစ်ချက်တိုင်းသည် ၁၀၀% လွဲသောပစ်ချက်များဖြစ်သည်။ (Wayne Gretzky )

အပြည့်အစုံသို့...

အကျဉ်းချုံး...

ဘလော့ရေးဖို့ စဉ်းစားကြည်လေတော့..

ငါ့ဦးနှောက်ကို အရည် ညှစ်ကြည့်လိုက်တယ်
်ကဗျာအပိုင်းအစတွေလဲ ဖရိုဖရဲကျလာလေရဲ့
ဖတ်ဖူးတဲ့ စာလေးတွေရယ်။
ဟိုအကြောင်း၊ ဒီအကြောင်း
ကိုယ့်အကြောင်းနဲ့၊ သူများအကြောင်းတွေ
ကျလာတဲ့ အပိုင်းအစတစ်ခုချင်း ဆက်ကြည့်တော့
ပေါ်လာတာက...“ဘာရေးရမှန်းမသိပါ” တဲ့။

အပြည့်အစုံသို့...

အကျဉ်းချုံး...

ကျွန်ုပ်နှင့် ရုပ်ရှင်များ

ဟိုတနေ့ ကပဲ ပျင်းတာနဲ့ ကျောင်းကစာကြည့်တိုက်သွားပြီး အခွေတွေရော စာအုပ်တွေပါ တန်းစီပြီးငှားခဲ့တယ်.. ပြောရင်ယုံမှာတောင်မဟုတ်ဘူး.. အခွေက ၅ ခွေ၊ စာအုပ်က ၁၀ အုပ်လားပဲ။ လုပ်ချလာပုံကတော့ ပြောမဆုံးပေါင် တောသုံးထောင်ပဲဗျို့ ။ အဲဒါက အရေးမကြီးပါဘူး။ အခု ပြောပြချင်တာက အဲဒီထဲက ရုပ်ရှင် ကားတွေအကြောင်း.....

ဝ ၀ ၀ ၀ ၀

အခွေတွေနာမည်က -

1. The Queen
2. Kung Fu Hustle
3. Flubber
4. Big Daddy
5. Spy Kids 3.D (Game Over)


ခုအထိကတော့ အဲဒီထဲက ၂ခွေပဲ ကြည့်ရသေးတာပါ။ နဲနဲ ဝေမျှချင်တာနဲ့ ပဲ အဲဒီ အကြောင်းရေးမလို့. ပထမဆုံးကြည့်ဖြစ်တာက THE QUEEN. ရွှေကမ္ဘာလုံး ဆုနဲ့ အကယ်ဒမီ အော်စကာဆု ရတဲ့ မင်းသမီးကြီး Helen Mirren က Queen Elizabeth အကောင်းဆုံးလုပ်ပြသွားခဲ့တာပါ။

အကျဉ်းချုံး ဇာတ်ကတော့ ဒီလိုပါ -

When news of the death of Princess Diana, undobtedly the most famous woman in the world, breaks upon a schocked and disbelieving British public, Her Majesty Queen Elizabeth II retreats behind the walls of Balmoral Castle with her family, unable to comprehend the public response to the tragedy. Tony Blair find a way to reconnect the Queen with the British public. (Review found on the back cover)

The Queen Elizabeth II ရဲ့  တော်ဝင် နန်းဆန်တဲ့ အပြုအမူ အပြောအဆိုတွေကို ပီပြင်အောင် လုပ်သွားခဲ့တဲ့ မင်းသမီးကြီး ဟယ်လင် ကိုလဲ မချီးကျူးပဲ မနေနိုင်အောင်ပါပဲ။ မင်းသမီး ဒိုင်ယာနာ ရဲ့ နောက်ဆုံးခရီးကိုလဲ အမှတ်တရ ပြန်လည်တွေ့ မြင် ရမဲ့ကားကောင်း တစ်ကားလဲဖြစ်ပါတယ်။ “လူတွေရှေ့ မှာ ဝမ်းနည်းကြောင်း ကြေညာရတာထက် သူ့ ရဲ့ ရင်ထဲမှာပဲထားရတာကို နှစ်သက်ပါတယ်” ဆိုတဲ့ ဘုရင်မကြီး၊ နောက်ဆုံး တော့ ဘိလပ်ပြည်သူ ပြည်သားတွေနဲ့ သတင်းမီဒီယာ ရှေ့ မှာထွက်ပြီး မိန့် ခွန်းပြောသွားခဲ့တဲ့ ဘုရင်မကြီး ကိုလဲ မြင်ရဦးမှာပါ။ စာဖတ်သူတွေလဲ ကြုံ ကြိုက်မယ်ဆိုရင် ကြည့်ဖြစ်အောင် ကြည့်သင့်တဲ့ ကားကောင်းတစ်ကားရယ်လို့  ညွှန်းပါရစေ .....................

အပြည့်အစုံသို့...

အကျဉ်းချုံး...

ပျော်ရွှင်ခြင်းနှင့် ရာခိုင်နှုန်းများ

ဒီပို့ စ်ကတော့ “The 100 Simple Secrets of HAPPY PEOPLE” ဆိုတဲ့ စာအုပ်ထဲက ကောက်နှုတ်ချက်လေးတွေပါ။ စာဖတ်သူ... ဒီ စာကို မဖတ်ခင်မှာ တွေးကြည့်ပါ။ သင် ယခု ပျော်ရွှင်ပါရဲ့ လား ? ပျော်ရွှင်အောင် ဘာလုပ်ကြမလဲ။ ကြည့်လိုက်ကြရအောင်။

x x x x x x x x x x x x x x x

သင့်ကိုယ်ကို ယုံကြည်ပါ ။ ။ အသက် အရွယ်အပိုင်းအခြား အားလုံးတွင် မိမိ၏ အရည်အသွေးကို မိမိ ယုံကြည်ခြင်းသည် ဘဝပျော်ရွှင်မှုကို ၃၀% ပို မြင့်တက်စေပါသည်။( Myers and Diener 1995 )

တစ်စုံတစ်ခုကို သင်မသေချာလျှင် အကောင်းဘက်က လှည့်တွေးပါ ။ ။ မပျော်ရွှင် သူများ ၏ အမြင် ၈၀% သည် မကောင်းသည့် ဘက်မှ ဖြစ်သည်။ ပျော်ရွှင်သူများသည် ကောင်းသည့်ဘက်မှ ၈၀% တွေးတောဖြစ်ကြသည်။ ( Brebner 1995 )

သင့်ပတ်ဝန်းကျင်မှ လူအများနှင့် ဝါသနာတူညီမှုများအကြောင်း ဆွေးနွေးပါ ။ ။ တူညီသောစိတ်ဝ်စားမှုတစ်ခုစီသည် သင့်ဘ၀ပျော်ရွှင်မှုအတွက် ၂% တိုးတက်စေသည်။ ( Chand 1990)

သင့်ခံစားချက်များကို အခြားသူများနှင့် ဝေမျှပါ ။ ။ လူမှုဆက်ဆံရေးတွင် ပွင့်လင်းသူများသည် အခြားသူများထက် မိမိဘဝ ကို ၂၄% ပိုမို ကျေနပ်ကြသည်။( Finch, Barrera, Okun, Snow-Turek 1997 )

နေ့ စဉ် အသီးတစ်ခုခု စားပါ ။ ။ နေ့ စဉ် အသီးတစ်ခု စားသော အလေ့အကျင့်ရှိသူသည် တစ်နေ့ တာပျော်ရွှင်မှုကို ၁၁% မြင့်တက်စေသည်။ ( Heatey and Thombs 1997)

ကောင်းမွန်စွာ အိပ်စက် အနားယူပါ ။ ။ တစ်ညတွင် ၈နာရီထက် နည်းသော အိပ်ချိန်ရှိသူများသည် နောက်နေ့အတွက် မိမိကိုယ်ကို ကျေနပ်ခြင်းကို တစ်နာရီ လျှင် ၈% လျှော့နည်းစေသည်။ ( Pilcher and Ott 1998 )

အိမ်နီးချင်းများ ဆီသို့  မကြာခဏလည်ပတ်ပါ ။ ။ ပတ်ဝန်းကျင်နှင့် ပိုမို ထိတွေ့ ဆက်ဆံခြင်းသည် ပျော်ရွှင်မှု ကို ၃၀% နီးပါးအထိ မြင့်တက်စေသည်။ ( Sugarman 1997)

သီချင်းနားထောင်ပါ ။ ။ မိမိ ကြိုက်နှစ်သက်သော သီချင်းများကို ရွေးချယ် နားထောင်သူများ၏ ၉၂ % သည်

အကောင်းမြင်တတ်ကြသည်။ ( Hakanen 1995)

စာဖတ်ပါ ။ ။ စာဖတ်ခြင်း ( စိတ်ကို လေ့ကျင့်ခန်းပေးခြင်း) ဖြင့် နေ့ စဉ် ပျော်ရွှင်မှုကို ၈% ပိုမို တိုးတက်စေသည်။ ( Scope 1999)

အထက်ပါ စာအုပ်ကို အမြည်းနှင့် အားမရပဲ အပြည့်အစုံ ဖတ်ချင်သူများ အတွက် ဒီနေရာမှာ အီးဘုတ် ရယူပါ။

စာဖတ်သူများအားလုံးပျော်ရွှင်နိုင်ကြပါစေ။

အပြည့်အစုံသို့...

အကျဉ်းချုံး...

အနမ်းတစ်ပွင့်ခြွေလင့်ခဲ့ပါ ချစ်သူ...

ဆင်စွယ်ရောင် အနမ်းတစ်ပွင့်....ပန်းနုရောင် နှုတ်ခမ်းတစ်စုံ... ဆူးတွေကိုတောင် ငါမမှု

နောက်ဆုံးတော့ တစ်ယောက်တည်းအထီးကျန်..

အပြည့်အစုံသို့...

အကျဉ်းချုံး...

ငိုနေတဲ့ မျက်လုံးတစ်စုံ

ငါ့ကို ထားရစ်ခဲ့ကြပြီ။

ဖုံတင် အခန်းကျဉ်းထဲမှာ
ငါတစ်ယောက်တည်းအထီးကျန်စွာနေရစ်။

ရှုပ်ပွနေတဲ့ စားပွဲလေးပေါ်က စက္ကန့်တံတွေ
ငါ့ကို သရော်အပြုံးနဲ့ ကြည့်ရင်း လေးတွဲ့စွာ ခုတ်မောင်း။

ငါတစ်ယောက်တည်း ပေတစ်ရာလမ်းမပေါ်ကိုလျှောက်လှမ်း
သေချာတာက နေရာတစ်ခုဆီသို့။

နာကျင်မှုတွေကို ထွေးပိုက်ရင်း
အေးစက်တဲ့ ခုံတန်းလျားပေါ်ကနေ ငါ့နာမည် ခေါ်သံကို စောင့်နေခဲ့တယ်။

လူတွေက ငါ့ကို လူထူးဆန်းကြီးတစ်ယောက် သဖွယ် အကြည့်တွေနဲ့
ငါကတော့ ပြန်မကြည့်ရဲခဲ့ဘူး
ဒီလိုနဲ့ ငါ့ရဲ့ အခန်းကျဉ်းလေးဆီကိုပဲ ခေါင်းငိုက်စိုက်ပြန်ခဲ့။

ငါ့မျက်လုံးအစုံမှာ သွေးရောင်လွှမ်းလို့ပေါ့
ငိုချင်နေတဲ့ ငါ့မျက်လုံးတွေကို တားဆီးမဲ့အရာ မရှိခဲ့။
ခမ်းခြောက်နေတဲ့ ငါ့မျက်လုံးတွေကို ငါမုန်းတယ်။

နောက်ဆုံးတော့ ငါဆုတောင်းလိုက်တယ်
“မျက်စိနာ” မြန်မြန်ပျောက်ပါစေ- ဟု။

မျက်စိနာတုန်းက ဆေးခန်းကပြန်လာရင်း ရတဲ့ အတွေးကို ရေးထားတဲ့ စာလေးပါ။

အပြည့်အစုံသို့...

အကျဉ်းချုံး...

ကျွန်တော်ကြိုက်တဲ့စာစုလေးတွေ

ဒီနေ့ကပဲ ကျွန်တော့် အဒေါ်ပေးတဲ့ အရှင်ဆန္နာဓိက(ရွှေပါရမီတောရ) ရေးသားတဲ့ ကိုယ့်စိတ်ကိုယ်စစ် ဆိုတဲ့ စာအုပ်ထဲက ကောက်နှုတ်ချက်လေးပါ။ ကြိုက်လို့တင်ထားဖြစ်လိုက်တာပါ။
“အပြစ်ထောက်ပြသူတိုင်း ရွှေအိုးပေးသူမဟုတ်ပါဘူး။ သဘောထားမှန်မှန်၊ အသိဥာဏ်ပါပါနဲ့ အကျိုးရှိအောင် အပြစ်ထောက်ပြသူသာ ရွှေအိုးပေးသူပါ။
ကိုယ့်အကြိုက်နဲ့ မကိုက်တိုင်း မကောင်းဘူးလို့ သတ်မှတ်ပြီး အပြစ်ပြောသူကတော့ ရွှေအိုးပေးသူမဟုတ်၊ ရွှံ့အိုးပေးသူပါ။ ” တဲ့။

အပြည့်အစုံသို့...

အကျဉ်းချုံး...