ကျောက်ဆောင်လေး ဖြစ်ပါရစေ ။
ဆုတောင်းလို့သာပြည့်ခဲ့မယ်ဆိုရင်....
ကျွန်တော် ပိာုးအဝေး ကမ်းစပ်တစ်နေရာမှာ ကျောက်ဆောင်လေးသာဖြစ်ပါရစေ ။
လူတွေနဲ့ အလှမ်းဝေးဝေး တစ်နေရာ က ကမ်းစပ်လေးတစ်ခုနားမှာ ကျောက်တောင်လေးတစ်ခုဖြစ်ပါရစေ ။ နေပူပူ ၊ မိုးရွာရွာ ၊ မုန်တိုင်းတွေ ဘယ်လိုကျကျ ကြံ့ကြံ့ခံ နိုင်တဲ့ကျောက်ဆောင်လေးတစ်ခုပေါ့ ။ ပူလောင်မှု အားလုံးနဲ့ ဝေးဝေးမှာ တည်ရှိပြီး တစ်နေရာတည်းမှာ အေးအေးချမ်းချမ်း လေးရပ်တည်နေပါ့မယ် ။
တစ်ခါတစ်ရံ ရောက်လာတတ်တဲ့ ဒီရေလှိုင်းလေးတွေကို ကြိုဆိုမယ် ။ သူတို့တွေ ပင်လယ်ထဲပြန်ထွက် သွားတဲ့ အခါမှာ နှုတ်ဆက်မယ် ။ ပျင်းနေတဲ့အချိန်မှာ ပင်လယ်ပြင်ကြီး နဲ့ မိုးကုတ်စက်ဝိုင်းတို့ ထိစပ်တဲ့ နေရာကိုလှမ်းမျှော်ကြည့်မယ် ။ လေညှင်း လေးတွေသယ်ဆောင်လာတဲ့ သီတင်းစကားတွေကိုနားထောင်မယ် ။ နေ့အခါ နေမင်းကြီး ဘယ်လောက်ပဲပူပြင်းနေပါစေ ၊ ညအခါ ဘယ်လောက်ပဲ အေးချမ်းနေပါစေ အံကြိတ်ပြီး တောင့်ခံမယ် ။ အချိန်တွေကြာလာလို့ ရေလှိုင်းလေးတွေပာာ ကျွန်တော့်ရဲ့ အစိတ်အပိုင်း တစ်ချို့ကို တိုက်စားမယ် ဆိုရင်လဲ ကျေကျေနပ်နပ်နဲ့ပေးပါ့မယ် ။ ကြီးမားလှတဲ့ ပင်လယ်ပြင်ကြီးကို ဖြတ်သန်း ပျံသန်းလာတဲ့ ငှက်ကလေးတွေကိုလည်း ကျွန်တော့်ရဲ့ ကျောကုန်းပေါ်မှာ နားခိုခွင့်ပြုမယ် ။ ပျံထွက်သွားတဲ့ ငှက်ကလေးတွေပာာ ကျွန်တော့်ကို မေ့သွားတောင်မှ ကျွန်တော်ပာာ တိုးတိုးလေး နှုတ်ဆက်နေမှာပါ ။ ပှုဇွန်လေးတွေ ၊ ဂဏန်းလေးတွေ လဲကျွန်တော့်ရဲ့ ခြေရင်းမှာလာရောက် ဆော့ကစားနိုင်ပါတယ် ။ ကျွန်တော် သဘာဝ လောကကြီးရဲ့ ဖြစ်နေပျက်နေမှု တွေကို ဒီအတိုင်း မလှုပ်မရှက် ရပ်ကြည့်နေရရင်ပဲကျေနပ်ပါပြီ ။ အချိန်အတိုင်းအတာ တစ်ခုရဲ့ ကုန်ဆုံးမှုကြောင့် ရေလှိုင်းလေးတွေပာာ ကျွန်တော့်တစ်ကိုယ်လုံးကို အပြီးအပိုင် တိုက်စားခဲ့မယ်ဆိုရင်တောင် ကျွန်တော်လိုက်လိုက်လျောလျော ခွင့်ပြုဦးမှာပါ ။ တိုက်စားသွားတဲ့ ကျွန်တော့်ရဲ့ အစိတ်အပိုင်း တစ်ခုပာာ အခြားတိတ်ဆိတ်တဲ့နေရာလေးမှာ အနည်ထိုင်ခွင့် ရမယ်ဆိုရင်ဖြင့် ကျွန်တော် ရဲ့စိတ်အလျင်ပာာ ငြိမ်းချမ်းမှုရပါပြီ ။
No comments:
Post a Comment